|

Xuska Maalmaha Ciida oo Caasimada Somaliland ee Hargaisa Si wayn looga Dareemay.

Hargaisa(XNN) Magaalada Hargaisa ee Caasimada Soomaaliland ayaa si wayn looga dareemayaa u diyaar garawga Munaasibada Ciida Ciidul-Fidriga ee fooda inagu soo haysa.
Jidadka iyo wadooyinka Magaalada Hargaisa ayaa caawa waxaa buux dhaafiyay dadwayne dhalinyaro iyo haween ubadan oo raxan-raxan u socda,waxaa si mugle u camiran xalay iyo caawa Goobaha ganacsiga gaar ahaan kuwa soo dejiya dharka iyo alaabaha qurxinta guryaha.
Waxaa si doo kale xaniban caawa jidadka gaadiidka waxaana si adag u shaqaynaya Ciidanka Amniga Wadooyinka oo si aada u baadhaya baabuurta gaar ahaan kuwa yaryar,taasoo dadka rakaabka ah ee ku soo habsaamay dukaamaysiga aad uga cabanayaan.
Mar aan microphoneka Shabakada Wararka ee Xariirad news la dhexmaray Suuqa ugu wayn Caasimada ee Waaheen ayaa waxay ii sheegtay haweenay wadata afar caruura oo soo ciid gaysay inay marka hore salaamayso dadwaynaha caalamka islaamka gaar ahaana S/land,sidoo kale waxay ii sheegtay inay si wayn ugu faraxsantahay Xuska Ciidad Ciidul-fidriga idoo ku hambalyaysa Reer S/land in ay sanadka sanadkiisa ku gaadhaan bash-bash iyo barwaaqo.
Sidoo kale wiil dhalinyaro ah oo aan ku kulanay Carwada Dharka iyo Kabaha ee Dolar Stor islamarkaana ii sheegay in magaciisa la yidhaahdo Axmed Suudi Xaaji-Maxamuud ayaa ii sheegay inuu aad ugu faraxsan yahay Marka hora waraysiga Shabakada Wararka ee Xariiradnesw,Kadib waxa uu salaan balaadhan u dhex mariayay Xariiradnews Asaxaabtiisa,Labadiisa waalid iyo Dhamaan Caalamul Islaam.
Sanadkan ayaa Magaalada Hargaisa waxaa kor u sii kacaya bilicda iyo quruxda Suuqyada waawayn iyo meheradaha oo 60% si wayn loo dayactiaray loona qurxiyay.
Wariye Maxamed Cawaale Daahir.
Hargaisa Xariiradnews.

Short URL: http://www.xariiradnews.com/?p=4765

Email : xariiradnews@yahoo.com
Email : xariiradnews@gmail.com
Posted by on Aug 12 2012. Filed under wararka. You can follow any responses to this entry through the RSS 2.0. You can leave a response or trackback to this entry

You must be logged in to post a comment Login