Published On: Thu, Oct 11th, 2012

Aminarts.com Oo Laga Xanibay Jibouti iyo Fanaanada Nimco Jamac Oo Lacag La Dul Dhigay Madaxeega

Share This
Tags

Jabuuuti(XNN) Website-ka Aminarts.com ayaa laga xanibay Internet-yada dalka Jibouti in laga booqan karo kadib markii gelinkii dambe ee maanta sidaas amar ku bixisay Wasaaradda boostadda iyo Isgaarsiinta Jibouti.

Xanibaada la saaray Webka Aminarts ayaa la rumeeysan yahay inay ka dhalatay hees Fanaanadda Nimco Jamac soo saartay oo Amin Caamir u sameeyay sawir gacmeedyo ka turjumaya xaqiiqada nolosha shacabka Jibouti iyo sida Madaxweyne Geelle ugu tuntay xaquuqdooda.

Sarkaal ka tirsan Sirdoonka Jibouti ee loo yaqaan SDS ayaa tibaaxay in lacag dhan sedex Milyan oo dollar la dul dhigay madaxa Fanaanada weyn Nimco Jamac.

Nimco Jamac oo mudo dheer mucaaradsaneed xukumadda Geelle waxay dagaal ugu jirtaa sidii talada looga tuuri lahaa,iyadoo dhinaca kalena ka biyo diiday maalgashi uu Ismaciil Cumar Geelle iyo Xaaskiisa ka wadaan Magaaladda Hargeysa.

Shir albaabada u xiran oo ay ka qeybgaleen Gudoomiyaha Bankiga dhexe ee Jibouti Jamac Xeyd,Marwada Madaxweynaha Jibouti Khadra Xeyd,Maamulaha Dahabshiil Cabdirashiid Mohamed Dhiigshiil,Maamulaha Warshadda Coca Cola Hargeysa iyo Sarkaal ka tirsan SDS oo lagu magacaabo Abdillahi Hassan ayaa lagu go”aamiyay in la khaarijiyo Fanaanada Nimco Jamac.

Shirkadda Dahabshiil ayaa loo xilsaaray bixinta dhaqaalaha qofka dila Fanaanada Nimco Jamac oo dantooda halis gelin karta.

Ila wareedyo muhiima ayaa sheegay in Nimco lagu khaarijin doono shil gaari ama gaari  lala beegsado gaari ay wadato.

Beesha Ciisaha waa inay ka feejignaadaan shirqoolka ay damacsan yihiin dadka u dhashay beesha dhexe ee Somaliland kuwaas oo Jamhuuriyadda Jibouti ku qabsaday inqilaab aan dhiig ku daadan.

Leave a comment

You must be Logged in to post comment.

Copy Protected by Chetans WP-Copyprotect.