|

Liibaan X. Fagadhe oo Maanso la Baxday ‘Kala-Guur’ ka Tiriyey Xaaladda Somaliland marayso

Maqaal-80x85Maansadan waxa sameeyey Hal-abuur Liibaan Xaaji Fagadhe, Sababtuu uu u sameeyeyna waxay ahayd; sida uu sheegay, markuu arkay dhibaatooyinka ka taagan Somaliland iyo Isbeddel ku soo foodle oo ay dadku ama Shacbigu ka indho-qarsanayaan. Waxaanu Maansadan oo uu u bixiyey KALA-GUUR, ku bilaabay sidan:-

“Awliyo Allaay dunidii

Bal inay ku daysey

Da’yartan Kacaysiyo

Kuwaa dulqaadka badaniyo

Rag Nin doorka waydii

Deelaybaa astaysa

Abaaraha dahsooniyo

Doogiyo barwaaqada

Damdambaa baxaysoo

Dabaa soo holcaayee

Ruux kastaa dareenkii

Durdur ooman biyihii

Xareedaad ka doontana

Haraad kuguma daayee

Dhalintii dareertiyo

Haweenkii isdaba galay

Waxay daalacdeenbay

Dagalkii uga yaaceen

Indastuur amaah galay

Daah kaama saarnee

Imisaa ladagayaa

Iyagoon digniin qabin

Wanaagiisu dilayaa

Imisaa la dafirayaa

Iyagoo dadaaloo

Daadihi yidhi samaanta

damiirkii fayowbaa

Ka damqada xumaantee

Sayladihii dadkaa

Laga furey dalkeenoo

Ahmin iyo daabax layidhi

Shacabkii duduucnaa

Duhurkaa la iibshaa

saldhigyadii dilaalaa

Ka dilaacay maantoo

Doonyaa la rarayaa

Hoygii dambiilaha

Daacadbaa ka buuxda

Shalay baa la digayee

Saakay ka darantey

Inoo daar hadraawi

Inuu soodhku dalaqlayn

Diinka qalashadiisii

Daadax bay aheyde

Maskaa deero kuu noqon

Bakaylhaa wada daban

Haddaad dabuubta qarisaan

Dibnahaan istaagayn

Oon hadalka daynayn

Dorraad wixii isoo maree

Dumbuq laysku jiiday

Daabadow iswaydii

Dabinaa is xidhayoo

Dibaa loo halgamayaa

Dala guurbaa ladagayaa

Dulmaa layska xoreynayaa

Darajadaa lanacayaa

Xidigahay danmoodeenbay

Daadinayaan dhamaantood

Iyagaa dulooboo

Darxumaa ukowsatey

Qaarbaa ka duwanoo

Col hortiiba daaduun

Iyo daacuun ku dhacayaa

Ninkaan Damal Qabow iyo

Docdii aan ka Gufeyney

Duqeeyoo ilaahaaw

Dardar oo haba noolayn

Ilkacasiyo Dirkiisaa

Doolarkuun guraaya

Dirxibaa galaayoo

Dubku uu ka hoolmi

Deelqaaf badane caraale

Isagay udarantoo

Dakan dakan buu noqonayaa

Doqonkaa sanyara iyo

Foolkaa Damiinka ah

Dambas bay noqonayaan

Duufaantu Qaado

Ina waran Dawiilkaa

Dabaylaan udirayaa

Daandaamindoontee

Cali seeto Dawguu

Dugaag uu ka helayaa

Ina hawiye Dameerkaa

Isagu uu is Dabayaa

Dabadhilf Axmed Yaasiin

Isna uu is Durayaa

Intay Dookh wadaagaan

Dawgaasay marayaan

Ku Dara Duca saxa

Anna uma Dudaayoo

Ugu Deeqay Maansadan

Kolka laysla Dagee

Laysla Daalo Ummadeey

Waa iga Dardaarane

Doodaha Gorfeeyoo

Diintaa Islaamka

Cadaaladda ku Daleeyoo

ALLAA MAHADLE…………

Short URL: http://www.xariiradnews.com/?p=45033

Email : xariiradnews@yahoo.com
Email : xariiradnews@gmail.com
Posted by on Dec 26 2016. Filed under Articles. You can follow any responses to this entry through the RSS 2.0. Responses are currently closed, but you can trackback from your own site.

Comments are closed